Palliative Care (Mizo)

Mizoram Palliative Care hi Mizoram State Cancer Institute-a peng pakhat ani a, Palliative Care chu cancer enkawlna a peng pawimawh tak pakhat ani a. Cancer natna alo rei zelin a tangkaina leh a pawimawhna a lo langsar zual sauh zel a. A pawimawh em avang in a hranpaa zir theih turin specialist peng hrang hlaka siam ani hial ani. Kum 2006 atang khan Palliative Care hihe institutiion ah hian Palliative a training nei tawh, doctor pakhat leh nurse pakhat nen bultan ani a. A tirah chuan NGO, Pallium India puihbawmna nen a tan ani. Anni hian atir kum hnih chhung chu sum leh pai leh technical anrawn tum a. MOU a inbiakremna angin Mizoram sorkar chuan Decembar 2009 atang khan a la in a enkawl chho chhunzawm ta ani.

Decembar 2016 atang khan Misnistry of Health and Family Walfare, Government of India hmalakna in programme thar, National Programme for Palliative Care (NPPC) hnuai ah doctor pakhat , nurse pali leh multi-task worker pakhat dah thar an ni bawk.

Tunna kan dinhmun :

Staff -Doctor pahnih
Nurse panga
Multi-task worker pakhat

Hnathawh dan:

Palliative Care dept. ah hian OUT-Patients leh In-Patients te enkawl mai bakah, Home visit leh Training/Zirtirna te huaihawt ani thin a. Tun dinhmun ah chuan cancer natna neite chauh kanla enkawl thei rih thung.

OPD- Nitin clinic hi office hawn hun pangngaiah hawn ani a. Damlote enin, anmahni ngei anrawn kal theilo anih pawhin an chhungte emaw anmahni enkawltu ten anrawn kal sak a. Nachhawkna tha, morphine a mamawh tan a thlawn a pek chhuah ani thin. Damlo leh anchhungte hnenah counseling ngai te an awm chuan tha taka infuihna/hriattirna pek ani bawk. Chuap emaw pum tui siaksak, zun sak, pan/hnai tihfai sak, chaw eina pipe thunsak leh a dangte thlengin tih thin ani. OPD hi Pathianni, Sawrkar chawlh leh thla tin inrinni vawi hnih ah khar thin ani.

IPD- Ward ah damlo admit ngaite a thul dan a zira admit ani a. Decembar 2012 atang khan ward neih tan ani a. A tir ah chuan Palliative tan hian kum 8 (pariat) dah ani a. May 2013 atang khan kum 10(sawm) ah tihpun ani.

Home visit- Damlo khumbet enkawl ngai, damdawi in rawn pan thei tawhlo te chu an inah kalchilha enkawlna pek thin ani a. Kartin Zirtawpni apiangin a tul ang ang nen tlawhna hun hman thin ani. Damlo kana lirthei kanla neih loh avangin tlawh tam erawh ala harsa rih thung hle.

Team meeting- Kartin Nilaini apiangin team-meeting neih thin ani a. Hetah hian presentation te, damlo bihchianna, leh staff te in fuihna leh inpawhtawn theihna tura hun hman ani. Tin, hmalakna tur leh kan hmasawn theih dan tur sawiho ani thin.

Zirtirna/Training- Hospital dang emo helth lampang thawk te leh NGO lampangte hnenah palliative chungchang inhrilh tharna leh inzirtirna neih thin ani a. He thil in a tum chu mitin hnena damlo khumbet tawhte tha zawka enkawldan, nachhawkna tha inpek dan leh damlo thingtlang leh hmun hla a awm ten, District Hospital leh Civil Hospital atanga awlsam zawk an neih/lak theihna atan te ani.

Kan la changtlun loh ngaihtuah chuan Palliative Care a phak tawka nasa takin hma ala ve a. Amaherawh chu hei aia tha leh mumal zawka enkawlna pe tur chuan hmalakna tur nasa tak ala awm ani.

More Articles

  • Cure for gray hair

    Donec ipsum diam, pretium mollis dapibus risus. Nullam dolor nibh pulvinar at interdum eget.

  • Generics strategies

    Donec ipsum diam, pretium mollis dapibus risus. Nullam dolor nibh pulvinar at interdum eget.

  • Article & dept profile

    Total Bed Strength; Total No. of Doctors; Medical Physicist; CT Scan Technician; Nursing Superintendent; Establishment Staff UDC; Driver; Different Department etc..

  • RADIOTHERAPY (Mizo)

    Mipui nawlpui chuan Cancer natna hi kan hre fur in a rinawm, chutih laiin a enkawl dan hi kan hriat tel a pawimawh ang. Cancer hi natna chikhat, hmuhchhuah hma a; enkawlna dik pek chuan dam thei a ni. Cancer enkawlna hi hlawm lian pui pui pathumah a then theih ang, chung te chu: Surgery