Hospital a thisen inpekna kalpui dan leh a hmanrua te

Mizoram State Cancer Institute (MSCI) Hospital ah hian damlo ten awlsam zawka thisen an dawn theihnan kum 2012 ah Blood Storage Centre din ani a. He centre hi Medical Officer pakhat leh Technician pakhatin an enkawl mek ani.

Damlo te pek tur thisen hi Civil Hospital, Aizawl atanga la chhuakin, cold box-a dahin motorin va lak thin a ni a (cold box hi thisen a chhiat loh nana vawn thatna ani). Heng thisen te hi blood bank refegerator-ah (temperature 3 to 5 degree C) damlo ten an mamawh hun apiang a pekchhuah theih turin dahthat ani.

Thisen lakchhuah zat, kawlthat zat leh pekchhuah zat te chu kimchang taka register a chhinchhiah hran vek ani. A tlangpuiin tum khatah hian thisen unit 10 atanga 15 inkae hi lakchhuah thin niin thlakhat chhungin tum thum atanga tum li inkar vel lakchhuah thin ani a, thisen laksa kha alo hlui dawn chuan ni 10 hmaiin a thar nen thleng leh thin ani bawk.

Thinsen pekchhuahna lekha leh a recipe te chu ziahfelvek niin thisen unit khat hi Rs.550/- a pekchhuah ani (hei hi a thisen man niloin a sawngbawlna senso man ani), damlo RSBY leh Health Care Scheme a inziak lutte erawh chu heihian a huamlo. Blood Group ena hi damlo mamawh apiang tan hman ani a, thisen pekchhuah hmain damlo thisen leh a thisen dawntur a inmil leh mil loh endik vek ani bawk.

Thisen thliar hranna khawl hi April 22, 2013 khan a thar neiin, atuk atangin hman tan ani. He khawl hi thisen thliar hran nan a hman ni in, thisen a natna siam thei paihchhuahnan a hman ani bawk. Hetah hi chuan thisen var(platelet) bik lakchhuah bik a hman ani. He khawl hmang hian thisen a, a var kha lakchhuah ni in a dang zawng chu a petu thisenah thun letleh vek ani. Thisen petu hian kar khatah vawikhat a pe thei a, kum khat chhungin vawi sawmhnihpali a pe thei bawk ani. He khawl hmanga thisen var lakchhuah hian kawng tam tak ah thatbikna a nei a. He khawl hmanga thisen petu turte hi an pek hmain an thisen uluk taka endik sak vek anni thin.

Heng a hnuaia hmanrua te hi tuna centre a hman lai mek te an ni:
Blood Bank Refrigerator, Blood Cell Seperator, Platelet Agitator/Incubator, Water Bath (Serological), Cold Box, DSP Online UPS, Microscope (2 Nos), Centrifuge, Haemotocrit Tube with stand, Thermometer, Sphygmomanometer, Weightins Scale, Needle Banner and Syringe Destroyer.