PALLIATIVE CARE (Mizo)

Mizoram Palliative Care hi Mizoram State Cancer Institute-a peng pakhat ani a, Palliative Care chu cancer enkawlnaa peng pawimawh tak pakhat ani a. Cancer natna a lo rei zelin a tangkaina leh a pawimawhna a lo langsar zual sauh zel a. A pawimawh em avangin a hranpaa zir theih turin specialist peng hrang hlaka siam a ni hial a ni. Kum 2006 atang khan Palliative Care hi he institutiion ah hian Palliative a training nei tawh, doctor pakhat leh nurse pakhat nen bul tan ani a. A tirah chuan NGO, Pallium India puihbawmna nena tan a ni. Anni hian a tir kum hnih chhung chu sum leh pai leh technical an rawn tum a. MOU a inbiakremna angin Mizoram sorkar chuan Decembar 2009 atang khan a enkawl chho chhunzawm ta a ni.

December 2016 atang khan Ministry of Health and Family Welfare, Government of India hmalakna in programme thar, National Programme for Palliative Care (NPPC) hnuaiah doctor pakhat, nurse pali leh multi-task worker pakhat dah thar an ni bawk.

Tunna kan dinhmun :

Staff -Doctor pahnih
Nurse panga
Multi-task worker pakhat

Hnathawh dan:

Palliative Care dept. ah hian OUT-Patients leh In-Patients te an enkawl mai bakah, Home visit leh Training/Zirtirna te huaihawt a ni thin a. Tun dinhmunah chuan cancer natna neite chauh kan la enkawl thei rih thung.

OPD- Nitin clinic hi office hawn hun pangngaiah hawn ani a. Damlote en in, anmahni ngei an rawn kal theilo anih pawhin an chhungte emaw anmahni enkawltu ten an rawn kal sak a. Nachhawkna tha, morphine a mamawh tan a thlawna pek chhuah a ni thin. Damlo leh an chhungte hnenah counseling ngai te an awm chuan tha taka infuihna/hriattirna pek a ni bawk. Chuap emaw pum tui siaksak, zun siak, pan/hnai tihfai sak, chaw eina pipe thunsak leh a dang te thlengin tih thin ani. OPD hi Pathianni, Sawrkar chawlh leh thla tin inrinni vawi hnih ah khar thin ani.

IPD- Ward ah damlo admit ngaite a tul dan a zira admit a ni a. December 2012 atang khan ward neih tan a ni a. A tirah chuan Palliative tan hian kum 8 (pariat) dah a ni a. May 2013 atang khan kum 10 (sawm) ah tihpun a ni.

Home visit- Damlo khumbet enkawl ngai, damdawi in rawn pan thei tawhlo te chu an inah kal chilha enkawlna pek thin a ni a. Kartin Zirtawpni apiangin a tul ang ang nen tlawhna hun hman thin ani. Damlo kanna lirthei kan la neih loh avangin tlawh tam erawh ala harsa rih hle thung.

Team meeting- Kartin Nilaini apiangin team-meeting neih thin a ni a. Hetah hian presentation te, damlo bihchianna, leh staff te in fuihna leh inpawh tawn theihna tura hun hman ani. Tin, hmalakna tur leh kan hmasawn theih dan tur sawiho a ni thin.

Zirtirna/Training- Hospital dang emo health lampanga thawk te leh NGO lampang te hnenah palliative chungchang in hrilh tharna leh inzirtirna neih thin a ni a. He thil ina a tum chu mitin hnena damlo khumbet tawhte tha zawka enkawl dan, nachhawkna tha in pek dan leh damlo thingtlang leh hmun hlaa awm ten, District Hospital leh Civil Hospital atanga awlsam zawk an neih/lak theihna atan te ani.

Kan la changtlun loh ngaihtuah chuan Palliative Care ah hian phak tawkin nasa takin hma kan la ve a, amaherawhchu hei aia tha leh mumal zawka enkawlna pe tur chuan hmalakna tur nasa tak a la awm a ni.